Tipparinn sem fékk 13 rétta um helgina í enska boltanum beitti ekki hefðbundnum aðferðum við útfyllingu seðlinsins. Hann fyllti út 64 raðir og lét stafrófið ráða ferðinni. Það lið sem framar stóð í starfrófinu fékk merktan á sig sigur. Til að koma út tvítryggingunum notaði hann úllen, dúllen, doff aðferðina á auðu reitina sem eftir stóðu. Þessi aðferð skilar tipparanum um 1.4 milljón króna í vasann og óskum við honum til hamingju með það.

Enginn var með allar tölurnar réttar í útdrætti kvöldsins og verður 1. vinningur tvöfaldur í næstu viku og er áætlað að hann verði allt að 12 milljónir króna. Hins vegar var einn miði með allar réttar tölur - í réttri röð - í Jóker og hlýtur hann 2 milljónir í vinning.  Þessi heppni vinningshafi keypti miðann góða á heimasíðunni okkar lotto.is.  Annar heppinn miðaeigandi var með 4 réttar tölur - í réttri röð í Jókernum og hlýtur 100 þúsund kall í vinning.  Sá miði er í áskrift.